డైలీ భారత్, హైదరాబాద్, రామంతాపూర్: భగయత్ వెంకట సాయి నగర్ వెల్ఫేర్ అసోసియేషన్ సెక్రటరీ కొల్లా నవీన్ కుమార్, నిహారిక దంపతుల కుమారుడు అధిరణ్ తొలి జన్మదిన వేడుకలు కుటుంబ సభ్యులు, బంధుమిత్రులు, కాలనీ వెల్ఫేర్ అసోసియేషన్ ప్రతినిధుల సమక్షంలో ఘనంగా నిర్వహించబడ్డాయి.
ఈ సందర్భంగా జీడీఎన్వీ వంశీ మనోహర్, కాలనీ అధ్యక్షులు ఎ. విజయేందర్ రెడ్డి, గౌరవ సభ్యులు రామేష్ గౌడ్, ఉపాధ్యక్షుడు ఆర్. గోవింద్, జనరల్ సెక్రటరీ జి. అశోక్, కోశాధికారి సి.హెచ్. శ్రీనివాస్ గౌడ్, జాయింట్ సెక్రటరీ భూపతి నరసింహ గౌడ్, ఎగ్జిక్యూటివ్ మెంబర్ డాక్టర్ విద్యాసాగర్, ప్రవీణ్ తదితరులు పాల్గొని చిన్నారి అధిరణ్‌కు జన్మదిన శుభాకాంక్షలు తెలియజేసి ఆశీర్వదించారు.
చిన్నారి అధిరణ్ ఆయురారోగ్యాలతో, సుఖసంతోషాలతో జీవిస్తూ, భవిష్యత్తులో ఉన్నత శిఖరాలను అధిరోహించి తన కుటుంబానికి, సమాజానికి మంచి పేరు తీసుకురావాలని ఆకాంక్షించారు. నవీన్ కుమార్ దంపతులకు శుభాకాంక్షలు తెలియజేస్తూ, చిన్నారి భవిష్యత్తు ఉజ్వలంగా ఉండాలని కోరుకున్నారు.
అనంతరం చిన్నారి అధిరణ్‌తో కలిసి జన్మదిన కేక్‌ను కట్ చేసి వేడుకలను ఆనందోత్సాహాల మధ్య జరుపుకున్నారు.
ఈ సందర్భంగా జీడీఎన్వీ వంశీ మనోహర్ మాట్లాడుతూ, ఇలాంటి కుటుంబ వేడుకలు కాలనీవాసులు, బంధుమిత్రులు, స్నేహితుల మధ్య స్నేహభావం, ఐక్యత, పరస్పర అనుబంధాలను మరింత బలోపేతం చేస్తాయని పేర్కొన్నారు.
కార్యక్రమం అనంతరం నవీన్ కుమార్ కుటుంబ సభ్యులు వేడుకలకు హాజరైన ప్రతి ఒక్కరికీ హృదయపూర్వక కృతజ్ఞతలు తెలిపారు.
