డైలీ భారత్, హైదరాబాద్: సీనియర్ హీరో నందమూరి బాలకృష్ణ గోపీచంద్ మలినేని దర్శకత్వంలో నటిస్తున్న NBK 111 చిత్ర షూటింగ్ సమయంలో గాయపడ్డారు.
కాకినాడ పోర్టు ప్రాంతంలో యాక్షన్ సీన్ చిత్రీకరిస్తుండగా బాలయ్య కాలు జారి పడిపోయారు. దీంతో ఆయన ఎడమ మోకాలికి చిన్న మజిల్ టేర్ ఏర్పడినట్లు డాక్టర్లు గుర్తించారు.
ఘటన జరిగిన వెంటనే ఆయనను రాజమండ్రి నుంచి ఎయిర్‌లిఫ్ట్ చేసి హైదరాబాద్ గచ్చిబౌలిలోని AIG హాస్పిటల్‌కు తరలించారు. ప్రస్తుతం ఆర్థోపెడిక్ స్పెషలిస్టులు, ఇతర నిపుణుల బృందం ఆయనకు వైద్యం అందిస్తోంది.
వైద్యుల హెల్త్ బులెటిన్ ప్రకారం బాలకృష్ణ ఆరోగ్యం స్థిరంగా ఉంది. త్వరగా కోలుకోవడానికి చిన్నపాటి శస్త్రచికిత్స చేయాలని వైద్యులు సూచించారు. ఇది రొటీన్ ప్రొసీజర్ మాత్రమేనని, ఆందోళన అవసరం లేదని చిత్ర యూనిట్ స్పష్టం చేసింది.
దర్శకుడు గోపీచంద్ మలినేని మాట్లాడుతూ "బాలయ్య గారి క్రమశిక్షణ, సినిమాపై డెడికేషన్ అందరికీ స్ఫూర్తి. ఆయన త్వరలోనే రికవర్ అయ్యి సెట్స్‌కు వస్తారు" అన్నారు.
ఈ వార్త తెలియగానే Jr NTR "Get well soon Bala Babai. Wishing you a speedy recovery" అంటూ ట్వీట్ చేశారు. ఫ్యాన్స్ కూడా సోషల్ మీడియాలో త్వరగా కోలుకోవాలని ప్రార్థనలు చేస్తున్నారు.
షూటింగ్ ప్రస్తుతానికి నిలిపివేశారు. బాలయ్య డిశ్చార్జ్ అయ్యి, రికవరీ అయిన తర్వాత మళ్లీ షూటింగ్ ప్రారంభమవుతుంది.
