జర్నలిస్ట్ కుటుంబానికి ఆర్థిక సాయం అందజేసిన జిల్లా ఎస్పి నరసింహ ఐపిఎస్

డైలీ భారత్, సూర్యాపేట: విధి నిర్వహణలోనే కాకుండా ఆపదలో ఉన్నవారిని ఆదుకోవడానికి సూర్యాపేట పోలీసులు ముందంజలో ఉంటారని జిల్లా SP నరసింహ IPS అన్నారు. సూర్యాపేట పట్టణానికి చెందిన సీనియర్  జర్నలిస్ట్ తల్లాడ చందన్ కుమారుడు హయాన్ చంద్ర*ఆటిజం సమస్యతో  బాధపడుతుండగా అతనికి వైద్య ఖర్చులకు గాను ఎక్కువ మొత్తంలో ఖర్చు చేయాల్సి వస్తుందని, బాబుకు మెరుగైన వైద్యం అందించడానికి ఖర్చు చాలా అవుతుందని, కుటుంబానికి ఆర్థిక భారంగా ఉన్నదని సోషల్ మీడియాలో వచ్చిన కథనాలపై జిల్లా ఎస్పీ నరసింహ ఐపీఎస్ స్పందించారు. వెంటనే  బాబుకు మెరుగైన వైద్యం అందించడానికి గాను జిల్లా పోలీస్ శాఖ తరపున జర్నలిస్ట్ తల్లాడ చందన్ కు బుధవారం సూర్యాపేట జిల్లా కేంద్రంలోని SP కార్యాలయంలో SP చేతులమీదుగా కొంత ఆర్థిక సాయం అందించారు.

ఈ సందర్భంగా SP మాట్లాడుతూ.. బాబు హయన్ చంద్ర త్వరగా కోలుకుని అందరి పిల్లల్లాగా ఆడుకుంటూ ఉండేవిధంగా మారి తిరిగి రావాలని ఆకాంక్షించారు.