బస్సు డ్రైవర్ కు తీవ్ర గాయాలు ఆసుపత్రికి తరలింపు
కేసు నమోదు చేసిన రూరల్ పోలీసులు
డైలీ భారత్ న్యూస్, నిజామాబాద్:నగర శివారులో బుధవారం రోడ్డు ప్రమాదం జరిగింది. వివరాల్లోకి వెళ్తే.. కంఠేశ్వర్ బైపాస్ వద్ద తెల్లవారుజామున హైదరాబాద్ నుంచి ఆర్మూర్ వైపు పక్కపక్కనే వెళ్తున్న లారీ, ఆర్టీసీ బస్సు వేగంగా ఢీకొన్నాయి. ఆ సమయంలో నిజామాబాద్ డిపో–1కు చెందిన ఎలక్ట్రికల్ ఆర్టీసీ బస్సులో ఒకే ఒక్క ప్రయాణికుడు ఉన్నాడు. ఈ ప్రమాదంలో ఆర్టీసీ డ్రైవర్కు గాయాలయ్యాయి. వెంటనే స్థానికులు డ్రైవర్ను ఆస్పత్రికి తరలించారు. రూరల్ పోలీసులు కేసు నమోదు చేసుకుని దర్యాప్తు చేస్తున్నారు.
