డైలీ భారత్, హైదరాబాద్: హైదరాబాద్‌లోని కుత్బుల్లాపూర్-దుండిగల్ పీఎస్ పరిధిలో దారుణం జరిగింది. భర్త రాందాస్‌ను హత్య చేయించేందుకు అతడి భార్య జ్యోతి నలుగురు యువకులతో కలిసి స్కెచ్ వేసింది. భర్తను అడ్డుతొలగించేందుకు ప్లాన్ వేసిన భార్య నలుగురు యువకులతో కలిసి పక్కా ప్లాన్‌ను ఈనెల 26 రాత్రి అమలు చేసింది. బౌరంపేటలో నలుగురు యువకులతో కలిసి రాందాస్‌కు మద్యం తాగించి, బీర్ బాటిళ్లతో దాడికి పాల్పడ్డారు. అపస్మారక స్థితిలోకి వెళ్లిన రాందాస్ మృతిచెందాడని భావించిన నిందితులు అక్కడ నుంచి పరారయ్యారు. దీంతో తీవ్ర గాయాల పాలైన రాందాస్ తన తమ్ముడి ఇంటికి వెళ్లి జరిగిన ఘోరంను తెలియజేశాడు. బాధితుడి ఫిర్యాదుతో బాచుపల్లి పోలీసులు కేసు నమోదు చేసి దర్యాప్తు చేశారు.
సమాజంలో రోజురోజుకు మానవ సంబంధాలు మంటగలిసిపోతున్నాయి. జీవితాంతం తోడు ఉంటానని పెళ్లినాడు ప్రమాణం చేసిన భార్య భర్తలు దారుణాలకు ఒడిగడుతున్నారు. ఇటీవల కాలంలో భార్యలు భర్తల పాలిట మృత్యువుగా మారారు. ఇతర పురుషుల మోజులోపడి తాళికట్టిన భర్తలను పక్కా ప్రణాళికతో హత్య చేసి కటకటాలపాలవుతున్నారు. తాజాగా ఇలాంటి ఘటన ఒకటి హైదరాబాద్ మహానగరంలో జరిగింది. కుత్బుల్లాపూర్ దుండిగల్ పీఎస్ పరిధిలో ఓ భార్య భర్తను హత్య చేయాలని స్కెచ్ వేసింది. ఈ మేరకు నలుగురు కుర్రాళ్ల సహాయం తీసుకుంది. బీర్ తాగించి అనంతరం బీర్ బాటిల్‌తో దాడి చేయించింది. దీంతో భర్త తీవ్ర అపస్మారక స్థితిలోకి వెళ్లిపోవడంతో అతడు చనిపోయాడని భావించి అక్కడ నుంచి పరారయ్యారు. అయితే భార్య ప్లాన్ బెడిసికొట్టింది. గాయాలతో బయటపడ్డ భర్త పోలీసులకు ఫిర్యాదు చేయడంతో ఆమె గుట్టు రట్టైంది. పోలీసులు కేసు నమోదు చేసి దర్యాప్తు చేశారు.
వివరాల్లోకి వెళ్తే బాచుపల్లి పీఎస్ పరిధి రాజీవ్ గృహకల్పలో రాందాస్ నాయక్, జ్యోతి అనే దంపతులు నివశిస్తున్నారు. ఈ దంపతులకు 2009లో పెళ్లి జరిగింది. కుటుంబ కలహాల నేపథ్యంలో గత మూడు ఏళ్లుగా విడిగా ఉంటున్నారు. నెల రోజులక్రితం భార్య భర్తలతో కుటుంబ సభ్యులు...పెద్దలు చర్చించి సయోధ్యకు కుదిర్చే ప్రయత్నం చేశారు. అయితే వారం రోజులుగా దంపతుల మధ్య మళ్లీ గొడవలు ప్రారంభం అయ్యాయి. దీంతో భర్తపై కోపంతో రగిలిపోయింది. ఖచ్చితంగా భర్త అడ్డుతొలగించుకోవాలని ప్లాన్ చేసింది. భర్తను చంపాలని నిర్ణయించుకుంది. ఇందుకు స్కెచ్ వేసింది. ఈ క్రమంలో జూలై 26న రాత్రి భర్త రాందాస్‌ను చంపేందుకు నలుగురు యువకులతో కలిసి జ్యోతి ప్లాన్ చేసింది
బౌరంపేట్‌లో ప్లాన్ ప్రకారం భర్తకు మద్యం తాగించి అక్కడే బీర్ సీసాలతో, రాళ్లతో దాడి చేయించింది భార్య జ్యోతి. ఈ దాడిలో తీవ్రంగా గాయపడి అపస్మారక స్థితిలోకి వెళ్లిపోయారు. అపస్మారక స్థితిలోకి వెళ్లిన రాందాస్ మృతిచెందాడని అక్కడి నుంచి యువకులు పారిపోయారు. అనంతరం రాందాస్ నాయక్ స్పృహలోకి వచ్చాడు. గంట సేపటి తర్వాత అర్ధరాత్రి రక్తపు గాయాలతో సాయినగర్‌లోని తన తమ్ముడి ఇంటికి వెళ్లాడు. అనంతరం అతని తమ్ముడు బాచుపల్లిలోని ఓ ఆస్పత్రికి తరలించాడు. తర్వాత బాధితుడితో కలిసి బాచుపల్లి పీఎస్‌లో ఫిర్యాదు చేశారు. హత్యకు జరిగిన ప్లాన్ దుండిగల్ పీఎస్ కిందికి వస్తుందని జీరో ఏఫ్ఐఆర్ చేసి దుండిగల్ పీఎస్‌కు కేసు ట్రాన్స్ ఫర్ చేశారు పోలీసులు.
అయితే రాందాస్ నాయక్‌పై హత్యాయత్నానికి కారణంపై పోలీసులు ఆరా తీస్తున్నారు. ఈ హత్యాయత్నానికి గొడవలే కారణమా? లేక వివాహేతర సంబంధమా? అనే కోణంలో కూడా పోలీసులు దర్యాప్తు చేస్తున్నారు. మరోవైపు నలుగురు యువకుల కోసం గాలిస్తున్నారు.
