వైరా నియోజకవర్గ బిఆర్ఎస్ పార్టీ నాయకులు లకావత్ గిరిబాబు
వరద ప్రవాహాలు, చెరువులు, వాగులు, కుంటలకు దూరంగా ఉండండి
డైలీ భారత్, వైరా: రాష్ట్రంలో కురుస్తున్న భారీ నుంచి అతి భారీ వర్షాల నేపథ్యంలో ఉమ్మడి ఖమ్మం జిల్లాలో వైరా నియోజకవర్గ ప్రజలందరూ అప్రమత్తంగా ఉండాలని కోరుతున్నానుఅత్యవసర పరిస్థితులు తప్ప ఇంటి నుండి బయటకు రావద్దు. చెరువులు, కుంటలు, వాగులు, కాలువలు, వరద ప్రవాహ ప్రాంతాలకు ఎట్టి పరిస్థితుల్లోనూ వెళ్లవద్దు.
రైతు సోదరులు పొలాల వద్ద విద్యుత్ తీగలు, నీటి ప్రవాహాలు మరియు ప్రమాదకర ప్రాంతాల పట్ల అప్రమత్తంగా ఉండాలి. అలాగె విద్యార్థులు కూడా వర్షాల సమయంలో బయట సంచరించకుండా తల్లిదండ్రుల సూచనలు పాటించాలి.ఏదైనా అత్యవసర పరిస్థితి లేదా ప్రమాదం జరిగినట్లయితే వెంటనే మండల అధికారులకు జిల్లా అధికారులకు సమాచారం అందించండి. ప్రజలకు అవసరమైన సహాయ సహకారాల కోసం ఉన్నతాధికారులకు సమాచారం అందించండి అని ఆయన అన్నారు
