డైలీ భారత్, రాజన్న సిరిసిల్ల జిల్లా: తంగల్లపల్లి మండలం సారంపల్లి గ్రామంలో సిరిసిల్ల నియోజకవర్గం కాంగ్రెస్ పార్టీ శాసనసభ అభ్యర్థి కేకే మహేందర్ రెడ్డి కి మద్దతుగా తీన్మార్ మల్లన్న రోడ్ షోలో పాల్గొన్నాడు. ఈ పది సంవత్సరాల టిఆర్ఎస్ ప్రభుత్వ పాలనలో కరెంటు గ్యాస్ బస్చార్జిలతో సహా అన్ని రకాల ధరలను పెంచి ప్రజలపై భారమేసిందని, ఒక ముఖ్యమంత్రి కొడుకు సొంత నియోజకవర్గమైన సిరిసిల్లలో డబుల్ బెడ్రూంలు అర్హులైన వారందరికీ ఇవ్వలేకపోయారని , కెసిఆర్ సొంత ఊరు అయిన చింతమడకలో ఇంటికి 10 లక్షలు ఇచ్చాడని.. చింతమడకకు ఓ న్యాయం సిరిసిల్లకు ఓ న్యాయమా అని ప్రశ్నించారు. రైతుబంధు రైతు బీమా పథకాలు ఎవరికి ఉపయోగపడలేదని ఇప్పటివరకు ఈ టీఆర్ఎస్ ప్రభుత్వంలో 80 వేల మంది రైతులు చనిపోయారని, కల్వకుంట్ల కుటుంబానికి కష్టం వస్తే ఢిల్లీ వరకు వెళ్తారని అదే ఈ రాష్ట్రంలో ఒక ఆడబిడ్డకు కష్టం వస్తే ఈ ప్రభుత్వం పట్టించుకోవడంలేదని, సిరిసిల్లలో కేటీఆర్ కు ఓటమి భయం పట్టుకుందని, తెలంగాణలో టిఆర్ఎస్ ప్రభుత్వ నియంత పరిపాలనకు ఓటుతో స్వస్తి చెప్పాలని అన్నారు.
