డైలీ భారత్: తెలంగాణ అసెంబ్లీ ఎన్నికల బరిలో 2,290 మంది అభ్యర్థులు మిగిలారు. బుధవారం 608 మంది తమ నామినేషన్లను ఉపసంహరించుకున్నారు.
భారాస అధినేత, సీఎం కేసీఆర్‌ బరిలో నిలిచిన గజ్వేల్‌ నియోజకవర్గంలో అత్యధికంగా 70 మంది స్వతంత్ర అభ్యర్థులు నామినేషన్లు ఉపసంహరించుకోవడం గమనార్హం. ఆ నియోజకవర్గంలో 44 మంది అభ్యర్థులు పోటీలో నిలిచారు.
సీఎం పోటీ చేస్తున్న మరో నియోజకవర్గమైన కామారెడ్డిలో 39 మంది అభ్యర్థులు తుది పోరులో ఉన్నారు.
ఆ తర్వాత ఎల్‌బీ నగర్‌లో అత్యధికంగా 48 మంది, పాలేరులో 37, కోదాడలో 34, నాంపల్లిలో 34, ఖమ్మంలో 32, నల్గొండలో 31, కొత్తగూడెంలో 30 మంది ఎన్నికల బరిలో నిలిచారు.
