డైలీ భారత్, సిరిసిల్ల: హామీల గురించి మాట్లాడే నైతిక హక్కు బీఆర్ఎస్ కు లేదని కాంగ్రెస్ జిల్లా అధ్యక్షుడు సంగీతం శ్రీనివాస్ అన్నారు.
శుక్రవారం ఆయన ఆధ్వర్యంలో సిరిసిల్ల పట్టణంలో భారీ ర్యాలీ నిర్వహించారు. చేనేత విగ్రహం నుంచి గాంధీచౌక్ వరకు కాంగ్రెస్ శ్రేణులు ర్యాలీగా కదిలారు. కాంగ్రెస్ ప్రభుత్వం 1000 రోజుల పాలనలో చేపట్టిన అభివృద్ధి, సంక్షేమ కార్యక్రమాలను ప్రజల్లోకి తీసుకెళ్లారు.
అనంతరం సంగీతం శ్రీనివాస్ మాట్లాడుతూ.. కాంగ్రెస్ ప్రభుత్వం 1000 రోజుల్లో 142 సంక్షేమ పథకాలను అమలు చేసి అన్ని వర్గాల ప్రజలకు మేలు చేసిందన్నారు. గత బీఆర్ఎస్ ప్రభుత్వం పదేళ్ల పాలనలో ఇచ్చిన హామీలను విస్మరించిందని విమర్శించారు.
ఈ కార్యక్రమంలో జిల్లా గ్రంథాలయ చైర్మన్ నాగుల సత్యనారాయణ గౌడ్, పట్టణ కాంగ్రెస్ అధ్యక్షుడు సూర దేవరాజు, నాయకులు, కార్యకర్తలు పాల్గొన్నారు.
