డైలీ భారత్, రాజన్న సిరిసిల్ల:రాజన్న సిరిసిల్ల జిల్లా కేంద్రంలోని శాంతి నగర్ 13వ వార్డులో ప్రధాన రహదారిపై ఉన్న మ్యాన్‌హోల్ స్థానికులకు ప్రాణ సంకటంగా మారింది.
ఇండేన్ గ్యాస్ ఏజెన్సీ సమీపంలో ఉన్న ఈ మ్యాన్‌హోల్ సిమెంట్ మూత పూర్తిగా పగిలి లోపలికి పడిపోయింది. దీంతో రోడ్డు మధ్యలో పెద్ద గొయ్యి ఏర్పడింది. అటుగా వెళ్లే వాహనదారులు, పాదచారులు తీవ్ర ఇబ్బందులు పడుతున్నారు.
రాత్రి సమయంలో ఈ గుంత కనిపించకపోవడంతో ద్విచక్ర వాహనదారులు అందులో పడి గాయాలపాలయ్యే ప్రమాదం ఉందని స్థానికులు ఆవేదన వ్యక్తం చేస్తున్నారు. ఈ విషయంపై మున్సిపల్ అధికారులకు సమాచారం ఇచ్చినా ఇప్పటివరకు ఎవరూ పట్టించుకోలేదని ఆరోపిస్తున్నారు.
ఎలాంటి పెద్ద ప్రమాదం జరగకముందే మున్సిపల్ అధికారులు స్పందించి వెంటనే నూతన మ్యాన్‌హోల్ మూతను ఏర్పాటు చేయాలని శాంతి నగర్ కాలనీ వాసులు డిమాండ్ చేస్తున్నారు.
#Sircilla #RajannaSircilla #Manhole #Municipal #ShanthiNagar
