కామారెడ్డి (డైలీ భారత్): కామారెడ్డి జిల్లా కేంద్రంలో నూతనంగా ఏర్పాటు చేసిన "అమ్మ హాస్పిటల్" ప్రారంభోత్సవం ఘనంగా జరిగింది.
బిక్కనూర్ మండలం అంతంపల్లి సొసైటీ చైర్మన్ సుధాకర్ రెడ్డి ఏర్పాటు చేసిన ఈ ఆసుపత్రిని ప్రభుత్వ సలహాదారు మహమ్మద్ షబ్బీర్ అలీ, కామారెడ్డి జిల్లా డీసీసీ అధ్యక్షులు ఏలే మల్లికార్జున్ ముఖ్య అతిథులుగా హాజరై రిబ్బన్ కట్ చేసి ప్రారంభించారు.
ఈ సందర్భంగా వారు మాట్లాడుతూ.. జిల్లా కేంద్రంలో నూతన ఆసుపత్రి ఏర్పాటు వల్ల ప్రజలకు మెరుగైన వైద్య సేవలు మరింత అందుబాటులోకి వస్తాయని ఆకాంక్షించారు. ప్రజల ఆరోగ్య అవసరాలను దృష్టిలో ఉంచుకుని నాణ్యమైన వైద్య సేవలు అందించడం అభినందనీయమని పేర్కొన్నారు.
ఈ కార్యక్రమంలో స్థానిక ప్రజాప్రతినిధులు, కాంగ్రెస్ పార్టీ నాయకులు, కార్యకర్తలు, వైద్యులు, ఆసుపత్రి సిబ్బంది, పలువురు ప్రముఖులు హాజరై నిర్వాహకులకు శుభాకాంక్షలు తెలిపారు.
