- హనుమాన్ జయంతి పర్వదినాన వేల సంఖ్యలో భక్తులు
- అన్ని ఏర్పాట్లు పూర్తి చేసిన అధికారులు
డైలీ భారత్, కొండగట్టు: ఉమ్మడి కరీంనగర్ జిల్లాలోని కోరినకోర్కెలు తీర్చే కొండగట్టు ఆంజనేయస్వామి ఆలయంలో చిన్న హనుమాన్ జయంతోత్సవాలు అంగరంగ వైభవంగా జరుగుతున్నాయి. భక్తులు బారీగా తరలివస్తున్నారు. జై శ్రీరామ్ నినాధాలు, జయరామ శ్రీరామ జయజయ రామ నామ స్మరణతో కొండగట్టు మారుమోగుతుంది. మాలాధారణతో పాటు మాలవిరమణ చేసే భక్తులతో కాషాయవర్ణ శోభితంగా తయారైంది కొండగట్టు.
చైత్రమాసం పౌర్ణమి శనివారం రోజున హనుమాన్ జయంతి కావడంతో లక్షకుపైగా హనుమాన్ దీక్ష స్వాములు అజన్న సన్నధికి చేరారు. భక్తుల రద్దీతో అధికారులు విస్తృత ఏర్పాట్లు చేశారు. రాష్ట్ర నలుమూల నుంచే కాకుండా ఏపి, మహారాష్ట్ర కర్ణాటక నుంచి భక్తులు తరలివస్తున్నారు. భక్తుల రద్దీ నేపద్యంలో నిరంతరాయంగా భక్తులకు దర్శన సౌకర్యం కల్పించడంతోపాటు ఎండ వేడి నుంచి తట్టుకునేందుకు చలవ పందిళ్ళు, మంచినీటి సౌకర్యం ఏర్పాటు చేశామని ఆలయ అధికారులు తెలిపారు. కోనేరులో వాటర్ మురికిగా మారడంతో స్నానాలు చేసేందుకు భక్తులు కాస్త ఇబ్బంది పడుతూ ఆవేదన వ్యక్తం చేశారు.
ప్రముఖ పుణ్యక్షేత్రం కొండగట్టు ఆంజనేయ స్వామి సన్నిధిలో హనుమాన్ జయంతోత్సవాలు వైభవోపేతంగా జరుగుతున్నాయి. మూడు రోజుల పాటు జరిగే జయంతోత్సవాలకు పెద్దసంఖ్యలో భక్తులు తలిరావడంతో కొండగట్టు కాషాయవర్ణశోబితంగా మారి రామనామ స్మరణతో మారుమ్రోగుతుంది. హనుమాన్ దీక్షస్వాములతో కొండగట్టు కిటకిటలాడుతుంది.
స్వయంగా కొండగట్టుకు చొప్పదండి ఎమ్మెల్యే మేడిపల్లి సత్యం చేరుకొని అధికారులతో కలిసి సౌకర్యాలు , భక్తులకు ఇబ్బందులు లేకుండా చూసుకోవాలని ఆదేశాలు జారీ చేశారు.
